Jordan mipalit og NASCAR team
CEBU, Philippines — Gipahibalo kagahapon ni basketball icon Michael Jordan nga nakapalit siya og team sa NASCAR Cup diin si Bubba Wallace maoy iyang padraybon alang sa sunod niining season.
Si Jordan, ang gitamod nga labing ngilngig nga player sa kasaysayan sa NBA nga dunay balor nga $1.6 billion, maoy majority owner sa bag-ong prangkisa uban sa beteranong racer nga si Denny Hamlin isip minority partner.
"Growing up in North Carolina, my parents would take my brothers, sisters and me to races, and I've been a NASCAR fan my whole life," matud pa ni Jordan sa usa ka pamahayag. "The opportunity to own my own racing team in partnership with my friend Denny Hamlin, and to have Bubba Wallace driving for us is very exciting for me."
Ning maong lakang ni Jordan, nagkalapad ang dinastiya nga iyang gitukod sa natad sa patigayon. Ang kanhi Chicago Bulls superstar nga nakadaog og unom ka kampiyonato sa NBA mao sab ang kasamtangang tag-iya sa Charlotte Hornets sa NBA.
- Latest
