Panag-estorya nilang marcial ug sy malinawon
CEBU, Philippines — Malinawon ang panag-estorya nila ni PBA commissioner Willie Marcial ug ang tag-iya sa Blackwater nga si Dioceldo Sy kabahin sa kontrobersiya nga miulbo nunot sa sayong pagpraktis sa Elite dili pa lamang dugay.
Si Marcial, nga mipahamtang og P100,000 nga multa sa Elite gawas nga gimandoan ang tibuok team nga mag-swab testing ug pito ka adlaw nga kwarantin, nagkanayon nga ang ilang miting pinaagi sa Zoom hapsay.
“We had a cordial talk and I told him I will send him a letter containing questions prepared by the board of governors,” dason pa ni Marcial segun sa taho sa The Philippine STAR.
“We expect his reply within the week and upon receipt, I will then submit it to PBA chairman Ricky Vargas,” dugang pa niya. Gilantaw karon sa PBA ang mga pamahayag ni Sy batok sa liga human sa dili otorisado nilang workout.
Apan giklaro ni Sy nga nasayop lamang siya paggamit sa termino nga praktis gumikan kay tagurha lamang ka players ang nag-itsa-itsa og bola sa managlahi nga goals niadtong tungora.
- Latest
