Pacquiao pabiling target ni Khan
CEBU, Philippines — Ang kanhi unified light welterweight champion nga si Amir Khan naglaraw nga moaway duha pa ka higayon sa dili pa hingpit nga moretiro sa boksing.
Gusto niyang sangkaon bisan kinsang dekalibreng pangan nga gusto makighilam-usay og kumo kaniya.
Nag-una sa listahan sa gusto niyang makaharong mao si Pinoy ring star Manny Pacquiao, nga dugay na kaayo niyang gisaytan.
“I’m not going to chase it,” matud pa ni Khan ngadto sa BT Sport diin ang gipasabot mao ang posibleng sangka nilang Pacquiao.
“If it falls into my lap, then I’ll take it. What a fight that would be. There’s so much we can talk about in that fight because we trained together, and we sparred over 300 or 400 rounds of sparring with each other."
Pipila ka tuig ang milabay, sila si Khan ug Pacquiao nagka-uban og training ubos ni Hall of Fame trainer Freddie Roach didto sa Wild Card Gym sa Hollywood.
Mao kini ang naghatag og kompiyansa ni Khan nga kaya ug duna siya'y kapasidad nga bihagon ang bugtong eight-division world champion sa kasaysayan.
“We know each other quite well. Yeah, man, I’d love that fight. I think I know a lot about him, and he knows a lot about me. That would be another good one, but if it happens…There’s always been talk about it, but it’s never seemed to materialize,” dugang pa ni Khan.
- Latest
