ABL mikanselar sa Season 10
CEBU, Philippines — Ang ASEAN Basketball League (ABL) maoy labing uwahing biktima sa Covid-19 sa kalibotan sa paugnat sa kusog. Sa usa ka opisyal nga pamahayag, gipahibawo sa ABL nga gikanselar niini ang ilang Season 10 gumikan sa pandemiya. Matud pa sa ABL nga walay luwas nga paagi pagpadagan sa liga ning panahona tungod sa kadelikado sa sitwasyon.
Ang maong lakang sa ABL nakapakgang sa tinguha sa Alab Pilipinas nga langkaton og balik ang korona.
Gipadayag hinuon sa ABL nga magpadayon ang ilang operasyon sunod tuig.
"We will now turn our efforts into planning for the next ASEAN Basketball League season in 2021 and hope to make announcements on the 11th ABL Season after completing consultations among the teams," matud pa sa ABL. Sama sa ubang mga liga, nahunong ang aksiyon sa AL niadtong Marso human miulbo ang kalibutanong krisis panglawas.
- Latest
