Marcelito manghatag gihapon og balay

CEBU, Philippines — Human nagmalampuson ang  paghatag og balay sa usa ka tiguwang , gibutyag sa singer nga si Marcelito Pomoy nga padayon gihapon siya magpatukod og balay sa mga nanginahanglan.

“Kailangan kong tumulong sa tao,” mao kini ang  gibutyag ni Marcelito sa interview niini kagahapon sa Magandang Buhay .

Wala kapugong si Marcelito  sa pagtulo sa iyang luha samtang naghisgot sa rason sa iyang pagtabang.

"Kasi na-realize ko, noong bata ako wala rin akong saktong tirahan, kumbaga isa rin akong palaboy, kung saan-saan ako nakatira. Kaya kapag [naalala] ko ang nakaraan, hindi ko maipaliwanag, kailangan kong tumulong sa tao. Para maiparamdam ko man lang kung ano ang narating ko ngayon ay maibalik ko sa kanila," suma pa ni Marcelito.

Duna na siya’y ikaupat nga balay nga gipahimo ug ihatag na usab niya kini sa mga nanginahanglan.

Hulagway sa ex nagpabilin sa IG

Human sa upat ka buwan nga nahilom sa social media, nagparamdam og balik sa Instagram si Clint Bondad.

Nabatyagan usab sa pipila niya ka followers  nga wala pa gyud gipapas ni Clint sa Instagram  ang mga hulagway nila kaniadto sa iyang ex-girlfriend nga si Miss Universe 2018 Catriona Gray.

Aduna na’y bag-ong uyab si Catriona , kini mao ang aktor nga si Sam Milby.

Mapasalamaton sa fans

Mapasalamaton ang singer nga si Jasmine Trias sa mga Pinoy gumikan kay padayon gihapon kini nga nagsuporta sa iyang career. Kahinumdoman nga nisikat si Jasmine tungod sa pagsalmot niya kaniadto sa American Idol. Nahimo usab siya nga endorser sa sikat nga fast food chain .

Maldita

Giangkon ni Angelu de Leon  nga malditahon gyud siya sauna partikulat sa panahon niya sa iconic youth-oriented series  nga TGIS. Labad matud pa siya sauna, dili siya  mosunod usahay sa blocking.

Nag-una sa Twitter

Gihangop dayon sa publiko ang pagsugod sa Boys Love series nga Hello Stranger. Nag-una sa local trending list sa Twitter ang  #HelloStrangerEP1. Ang Hello Stranger gibidahan nila ni Tony Labrusca ug JC Alcantara.

Birthday girl

Malipayong gisaulog ni  Ruffa Gutierrez ang iyang birthday niadtong Miyerkules.  "Another year younger and wiser in 3 hours! Celebrating quietly at home with my loved ones tonight," matud pa sa iyang Instagram post .

“I Love You 2”

Usa ka bag-ong awit  ang idalit ni Maymay Entrata ngadto sa iyang fans. I-release ang bag-ong single ni Maymay karong Biyernes , June 26 . Ang iyang bag-ong awit nag-ulohan og  “I Love You 2”. “Hi mga Kapamilya! Abangan niyo po ang aking bagong single 'I Love You 2' on June 26 na po yan, ngayong Friday. Available din po siya sa lahat ng digital platforms," suma pa ni Maymay.

Nabag-ohan si Juday

Balik-trabaho na ang aktres nga si Judy Ann Santos human sa pipila ka buwan nga nag-istar sa iyang panimalay. “First work in the outside world... adapt and go with the flow.. sepanx at its finest... already missing my babies.. stay safe everyone," matud pa sa IG post ni Judy Ann.

16 anyos na

Gisaulog sa anak ni Claudine Barretto nga si Sab  ang iyang  16th birthday  pinaagi sa pajama party sa ilang panimalay sa Quezon City.  Malipayon kaayo si Claudine gumikan kay nakita gyud niya nga puwerting lingawa sa  iyang anak sa birthday niini.

Proud kang Sofia

Nakadawat og sweet message si Sofia Andres  gikan sa iyang boyfriend nga si Miranda. “I’m so proud of you, love, such a strong and beautiful girl. I’ll be here for you and Zoe always,"  suma pa ni Daniel.

Makigtsika sa fans

Makigtsika sa ilang  Pinoy fans ang mga bida sa  sikat nga Thai series nga “ 2gether “ nga sila si Bright Vachirawit ug Win Metawin  alang sa ilang online  interview  ugma sa hapon.  Makita kini sa  nagkadaiyang digital platforms sa  ABS-CBN nga sama sa ABS-CBN Entertainment YouTube, Facebook, ug Twitter accounts, sa iWant app  ug Facebook page niini , ug sa Facebook accounts sa  Dreamscape Entertainment, Kapamilyanovelas, ug Asianovela Channel.

Gipamaligya

Gipamaligya ni KC Concepcion pinaagi online ang mga butang nga dili na niya magamit.  Gikatahong gikagobtan kini sa iyang fans.