Abarrientos miyukbo ni Racela
CEBU, Philippines — Mitamod si Johnny Abarrientos sa kanhi karibal niyang si Olsen Racela gumikan kay dako kini og natabang aron mamahimo siyang usa ka maayong player.
Ang 49-anyos nga retiradong guard miangkon nga si Racela nagsilbeng hagit kaniya aron isahon og usa ka tikang ang iyang duwa.
Matud pa ni Abarrientos nga nakaduwa siya batok ni Racela sa high school, college, mga komersiyal nga liga ug nag-ilog pa gani sila og luna sa national youth ug men's team. Ang hataas nilang panagkaribal ilang gidala ngadto sa PBA.
Sa matag higayon nga iyang makabangga si Racela, si Abarrientos nagkanayon nga sa kanunay iyang ibubo ang labing maayo niyang abilidad kay sayod man siya sa kalibre sa iyang kaatbang. "He (Racela) knew kung paano ako maglaro. So para mai-angat ko yung antas, kailangan gumawa ako ng extra," matud pa ni Abarrientos segun sa taho sa PBA.ph.
"Isa siya sa mga nagpatibay sa akin. Siguro kaya nagkaroon din ng isang Johnny Abarrientos sa PBA dahil yan kay Coach O," dugang pa sa gibansagan nga "The Flying A".
Karon, ang duha managkaribal na sab isip coach. Si Abarrientos uban sa Magnolia Hotshots ug si Racela uban sa Barangay Ginebra.
- Latest
