Fernandez midayeg sa national sports academy

CEBU, Philippines — Si Philippine Sports Commissioner Ramon 'El Presidente' Fernandez miingon nga malipayon kaayo siya ug gibati og tumang kahinam kabahin sa pagkatuman sa National Academy of Sports nga bag-o lang gipirmahan nga balaod ni Presidente Rodrigo Duterte pinaagi sa inisyatiba ni Senador Bong Go.

“Thanks to Senator Bong Go. Siya lang ang rookie senator na nakaisip at nakapagsagawa nito," matud pa ni Fernandez nga usa sab ka nasudnong atleta sa iyang panahon.

"And of course to President Duterte. Sa dami-dami ng administrasyon na nagdaan, siya lang ang nag-prioritize nito," dugang pa sa gitamod nga 'living legend' sa Philippine basketball.

Uban sa sports academy, si Fernandez mipadayag nga ila sab lihukon ang pagpangita og mga lugar alang sa laing dugay na kaayong plano nga mao ang pagtukod og regional training center aron kadtong mga national athletes dili malayo sa ilang pamilya samtang nag-training. Ang NAS ug ang mga regional training centers mapahimuslan sab unya sa mga retiradong atleta kon ugaling buot nilang mag-coach. Gumikan niini, duna gihapoy nindot nga pagalantawon sa unahan ang komunidad sa sports sa nasud taliwala ning pandemiya.