Santos tutulong para sa ‘8-peat’ ng San Miguel
Sa PBA philippine cup
MANILA, Philippines — Sa susunod na buwan ay ipagdiriwang ni veteran small forward Arwind Santos ang kanyang ika-39 kaarawan.
At habang kaya pa niyang makapag-ambag ng kontribusyon para sa rekord na walong sunod na PBA Philippine Cup ng San Miguel ay gagawin niya.
“Nabanggit ko iyan. Alam ng teammates ko iyan na pilitin natin hangga’t magkakasama tayo,” wika ni Santos sa isang 2OT podcast nina PBA anchors Carlo Pamintuan at Magoo Marjon.
Puntirya sana ng mga Beermen ang kanilang ika-anim na dikit na PBA Philippine Cup crown ngayong 45th Season kundi lamang nadiskaril ng coronavirus disease (COVID-19) pandemic ang season-opening conference noong Marso 11.
Sa pagbubukas ng 2020 PBA Philippine Cup ay pinaluhod ng San Miguel ang Magnolia, 94-78, bagama’t hindi naglaro si sixth-time PBA MVP June Mar Fajardo dahil sa kanyang leg injury.
“More championship. Iyong talaga ‘yung role namin (as players),” ani ng 2013 Most Valuable Player na isa ring nine-time Mythical First Team at seven-time All-Defensive Team member.
- Latest
