Floyd retirado na gyud
CEBU, Philippines — Gisangyaw ni Floyd Mayweather Jr. nga retirado na siya sa hingpit ug dayong itsapuwera sa gihandum nga "rematch" nilang Pinoy ring star Manny Pacquiao o dili ba ni UFC superstar Conor McGregor.
Miulbo ang hugon-hugon sa posibleng pagbalik og away ni Mayweather human milugwa ang usa ka bidyu sa social media diin makita siya nga nag-sparring sud sa iyang gym didto sa Las Vegas.
Apan dali nga gipabugnaw ni Mayweather ang mga balita kabahin sa iyang pagbalik pinaagi sa pagdeklarar sa iyang kaugalingon nga retirado na.
"These are just rumors. I'm retired," matud pa ni Mayweather ngadto sa Fight Hype TV. "I'm finished with boxing. I stay in shape." Sa laing balita, si Chisanga Malata sa Express.co.uk miingon nga si Mayweather tingali'g nabalaka nga moaway sa iyang pangedaron ug sa potensiyal nga epekto sa iyang panglawas.
Sayod si Mayweather nga dako-dakong kwarta ang iyang mahakot kon mag-away sila og balik ni McGregor, apan dili kini mao ang punto nga iyang buot ipaabot.
Sa edad nga 43-anyos, si Mayweather miangkon nga tiguwang na siya ug mas wais na karon. Nasayod siya kon kanus-a moundang.
"I'm done, I'm retired and I love my life. I enjoy being retired," sumala pa ni Mayweather.
- Latest
