Biyuda ni Elorde mipanaw
CEBU, Philippines — Si Laura Elorde, ang biyuda ni Pinoy boxing legend Gabriel 'Flash' Elorde malinawon nga mipanaw ngadto sa laing kalibotan niadtong Domingo.
Nag-edad siya og 92-anyos.
Ang guwardiya sa NorthPort Batang Pier nga si Nico Elorde dali nga mipandangat sa iyang pagyukbo ug pagdayeg sa milatiwan niyang lola pinaagi sa Twitter.
"Lola, thank you for everything. Ma-miss ka namin sobra. Thank you for all the lessons and memories that you've shared with us. Thank you for showing us how to be patient and religious. You are our light lola. Forever in our hearts. We love you so much. Rest in peace lola Laura," suwat pa ni Nico.
Uban sa tweet ni Nico mao ang black-and-white nga hulagway ni Laura nga naglingkod kilid sa hulagway sa iyang bana.
Atol sa mabulukon niyang panahon, si Flash" Elorde naghari isip usa sa labing sikat nga boksidor sa Asya. Nagbitbit siya og 89-27-2 nga rekord uban ang 27KOs sa 16 ka tuig niyang karera.
Naglingkod siyang world junior lightweight champion sud sa pito ka tuig gikan sa 1960 ngadto sa 1967 ug gibayaw sa International Boxing Hall of Fame niadtong 1993.
- Latest
