Sukaranan sa karakter

CEBU, Philippines — Cebuano sharpshooter mipaambit og leksiyon gikan sa pandemiya

Sama sa uban, ang Sugboanong sharpshooter nga si Roygbiv 'Roy' Barro naghuna-huna og lawom kabahin sa kinabuhi ug sa tanang katawhan taliwala niining pandemiya nga padayong nanghagis sa tibuok kalibotan.

Ang bililhong recruit sa tinamod nga Laguna Practical Shooters Group (LAG-PSG) nagkanayon nga gibati siya og tumang kaguol kabahin ning kasamtangang sitwasyon diin ang ugma nagpabiling wa'y klaro samtang ang mga tawo nakiggubat batok sa dili hikit-an nga kontra.

"Personally, I feel disconsolate of what’s happening right now because naay mga tawo na walay kaon ug wala nakatrabaho karong panahona," matud pa ni Barro, ang No.1 junior shooter sa nasud nga karon nagsugod pagsidlak sa standard division.        

Ang 20-anyos nga si Barro, kinsa gipasidunggan sa Sportswriters Association of Cebu gumikan sa maayo niyang performance sa practical shooting atol sa SAC Annual Awards niadtong Pebrero, dunay kaugalingong paagi aron magpabiling aktibo ug lagsik ning panahon sa kwarantin.           

"I keep my mind sharp and keep myself busy every day all the time. Kon walay puydeng mabuhat mangita gyud ko og paagi aron duna lang gyud koy mahimo bisan unsa," paambit pa ni Barro nga kanunay Dean's Lister sa De La Salle University diin siya usa ka football varsity.

"I preoccupy myself by doing lots of projects and assignments,  reading books, doing home workouts, managing food intake, and most importantly dry firing," dugang pa tadhang tirador nga nagdamgo nga mahimong world champion sa umaabot.

Si Barro nga unang mikulit sa iyang pangan sa natad sa sports isip champion soccer player sa Don Bosco ug Sacred Heart School-Ateneo de Cebu (SHS-AdC), dunay sa'y iyang mga repleksyon taliwala ning kalibutanong krisis panglawas.

Alang kaniya, makita nimo ang tinuoray nga kasingkasing ug karakter sa usa ka tawo niining panahon sa kalisdanan.

"When a crisis like this strikes, we will know kinsa tong naay kasingkasing nga motabang gyud sa mga tawo labi na niadtong mga nanginahanglan," sumala pa ni Barro. "Masukod pud nato kong unsa nga klase nga attitude ang naa sa usa ka tawo kung under pressure na."  "Also, this health crisis has taught to us as a lesson that we must not take for granted the things that we have in our lives, most importantly our families."

Nanghinaut si Barro nga mahuman na kining krisis sa labing dali nga panahon dayong awhag sa iyang mga kababayan nga sa kanunay mosunod sa tanang kamandoan sa kagamhanan kay kini alang sa kaayohan ug kaluwasan natong tanan.