Anthony mapasigarbuhon sa iyang depensa
CEBU, Philippines — Alang ni Sean Anthony, ang mga pasidungog nga iyang nadawat usa ka katumanan sa dugay na niyang damgo.
Ang NorthPort forward mapasigarbuhon kaayo nga nalakip siya sa PBA All-Defensive Team ug labaw sa tanan gibayaw nga 2019
Defensive Player of the Year.
Si Anthony miangkon nga dili kaayo siya maayo ug talentado kon itandi sa abilidad sa iyang mga kadungan sa PBA usa ka dekada ang milabay.
Mao nang nakahuna-huna siya nga adto mopokus sa aspeto sa duwa diin iyang mapalambo ang iyang abilidad ug kini mao ang sa natad sa depensa.
"Since my rookie year I have always took pride in my defense," sumala pa ni Anthony nga gibunlot sa Air21 isip No. 1 overall pick niadtong 2010 PBA Draft. "So it's an honor to be named Defensive Player of the Year."
Gikauban ni Anthony sa 2019 All-Defensive team mao sila si six-time MVP June Mar Fajardo sa San Miguel ug ang teammate niining si Chris Ross, Japeth Aguilar sa Ginebra ug ang Rookie of the Year nga si CJ Perez sa Columbian Dyip.
- Latest
