Didal mikulit og laing kasaysayan
CEBU, Philippines — Ang garbo sa Sugbonga si Margielyn Arda Didal misuwat og laing kasaysayan human siya nahimong labing unang babayeng skateboarder sa tibuok kalibotan nga dunay signature shoes kon sapatos nga gipahinungod sa iyang pangan uban sa New Balance.
Ang colorway shoes ni Didal gilusad dili pa lamang dugay, apan wala kaayo kini kasikas gumikan sa coronavirus pandemic.
"This is the first signature colorway with any of our skaters in Asia Pacific and the first female skater (Didal) for New Balance ever," matud pa ni Anthony Claravall, ang NB Numeric brand manager sa Asia-Pacific .
Ang bandila sa Pilipinas maoy gikuhaan og inspirasyon sa NB Numeric 379 colorway ni Didal, lumad gikan sa Barangay Lahug, Dakbayan sa Sugbo.
Gitatakan og "M. Didal 379", kabahin kini sa "Competition Pack" nga naglangkob sab sa Jamie Foy 306 colorway nga gidesinyohan og bandila sa Amerika.
- Latest
