Poligrates nagpanikad moduwa sa MPBL
CEBU, Philippines — Sugboanong si Eloy Poligrates ug si Gab Banal nga parehong nakadaog og MVP awards sa PBA D-League, pulos na nagpanikad nga mopakita'g aksiyon sa tagsa-tagsa nila ka mga teams sa sunod nga Chooks-to-Go/MPBL season.
Si Poligrates moduwa ubos sa Rizal-Xentro Mall, samtang si Banal adto moduwa sa Nueva Ecija.
Silang duha parehong mipasalig nga buhaton kon unsay ilang nahimo sa ilang mga teams sa dihang nagduwa pa sila sa D-League.
Ang garbo sa Isla sa Camotes nga si Poligrates maoy gibayaw nga MVP sa miaging season sa PBA D-League diin ang Marinerong Pilipino mipahiluna sa ikaduhang dapit.
Sa iyang bahin, si Banal migiya sa Go For Gold ngadto sa kampiyonato sa D-League duha ka tuig na ang milabay. Siya maoy gibayaw nga Finals MVP niadtong tungora.
Sa MPBL, bug-at nga tahas ang sagubangon nilang Poligrates ug Banal.
"Here in Rizal, given the opportunity, I want to play my game. I really want to be with an underdog team. I hope to make Rizal a better, stronger team," matud pa ni Poligrates segun sa taho sa The Philippine STAR, igsuong mantalaan sa Banat News.
- Latest
