Fortune pabor ni mike garcia sunod makontra ni pacquiao
CEBU, Philippines — Kon ugaling mahuman na ang krisis sa coronavirus, gusto ni strength ug conditioning coach Justin Fortune nga si Mikey Garcia sunod makontra ni WBA welterweight champion Manny Pacquiao.
"It’s the only fight that makes any sense," matud pa ni Fortune segun sa taho sa The Philippine STAR, igsuong mantalaan sa Banat News.
Ang 32-anyos nga si Garcia miposte og daog batok sa biktima ni Pacquiao nga si Jessie Vargas pinaagi sa unanimous decision didto sa Texas niadtong Pebrero ug human niini iya dayon nga gihagit si Pacquiao.
Si Garcia kanhi WBO featherweight, WBO super featherweight, WBC lightweight ug IBF super lightweight champion ug dunay record nga 40-1 uban ang 30KOs.
"I think it'll be an entertaining fight as long as it lasts," matud ni Fortune nga nagsugod og trabaho uban ni Pacquiao niadtong 2003.
Gawas ni Pacquiao, si Fortune nahinam-hinam sab nga makatrabaho si Mark Magsayo nga anaa na karon sa poder sa bugtong eight-division world champion sa kasaysayan. "I've heard good things about him, that he’s strong, determined and heav y-handed," matud pa ni Fortune kabahin ni Magsayo.
- Latest
