Makati abante sa North Finals
MAKATI, Philippines — Sa unang pagkakataon pumasok ang Makati Super Crunch sa Northern Division Finals matapos maka-eskapo kontra sa Manila Stars, 78-75, via overtime sa kanilang do-or-die semifinal match sa 2019-2020 MPBL-Chooks-to-Go Lakan Cup semifinal round sa San Andres Gym sa Malate, Manila.
Hindi pinansin ni Joseph Sedurifa ang pro-Manila crowd habang kumonekta ng tatlong sunod na triples para iangat ang Super Crunch sa Division Finals pagkaraang walisin ng Quezon City Capitals, 0-2, sa quarterfinals ng nakalipas na Datu Cup.
Ang huling triple ni Sedurifa ay sa huling 1:17 ng overtime period upang sundan ang kanilang 77-74 panalo sa Game 1 ng serye at itakas ang karapatang makaharap ang nag-dedepensang San Juan Knights sa best-of-three Division Finals simula sa susunod na linggo.
“Sedurifa (Joseph) can see the court as wide as the coaches and he was right,” pahayag ni Makati head coach Beaujing Acot.
Tumapos si Sedurifa ng 12 puntos, limang rebounds, tatlong assists at apat na blocks.
- Latest
