Navarrete midayeg kaisog ni Santisima

CEBU, Philippines – Gidayeg ni WBO super bantamweight champion Emanuel Navarrete ang iyang challenger nga si Jeo Santisima sa ALA Boxing gym tungod sa gipakitang  kaisog atol sa ilang sangka niadtong Domingo didto sa Las Vegas.

Si Santisima nga usa  ka underdog milahutay hangtod 11 ka rounds sa wala pa miyukbo sa Mexican knockout artist.

Si Navarrete kinsa giisip nga usa sa labing lig-on nga Mexican world champion karon mitug-an nga nasurprisa siya sa kalig-on ni Santisima nga misukol bisan pa og kapila maigo sa iyang kusog nga kumo.

Si Santisima nakaangkon og bun-og ug  ang nagrabihan mao ang  iyang tuong mata.

Hinuon, si ALA Boxing CEO Michael Aldeguer miingon nga gipahiling nila ang maong injury ug nagpasalamat  kay dili kini hulga sa Pinoy'ng boksidor.