Pacquiao gisaytan ni Crawford
CEBU, Philippines — Nausab ang tonada karon ni undefeated welterweight champion Terence Crawford ug gusto na siya nga makasangka ang eight-division world champion nga si Manny Pacquiao alang sa usa ka unification match karong tuiga.
Si Crawford maoy nagkupot sa WBO welterweight title, samtang si Pacquiao hari sa WBC.
Kahinumduman, nga si miaging tuig, si namahayag nga wala siya'y interes nga makigsangka ni Pacquiao tungod kay wala mahatag kaniya ang pagpilde sa usa ka edaran nga boksidor, apan kalit lang siya nga miingon nga usa si Pacquiao sa iyang mga giinterisan karong tuiga.
Saludo si Crawford sa gipakita sa 41-anyos nga si Pacquiao sa miagi niining mga away, ilabi na sa dihang gikulata ang kanhi walay pilde nga si Keith Thurman niadtong Hulyo sa miaging tuig aron depensaan iyang bakus.
Hinuon, ang American boxing star nagtuo nga kinahanglan na nga paretayron si Pacquiao ug wa'y lain makabuhat niini kondili siya lang.
"Manny, for sure. It would be like the passing of the torch. He's the last great fighter in this era left. Floyd retired. Cotto retired. Erik Morales, Barrera, whoever you name, they all retired. Pacquiao is the last man standing right now," matud ni Crawford sa NowBoxing.com
Si Crawford lab-as pa sa iyang ninth round knockout nga kadaogan batok sa kanhi wa'y pilde nga si Egidijus Kavaliauskas sa miaging tuig didto sa Madison Square Garden sa New York.
- Latest
