Parks Jr. tangtang na sa line-up sa Gilas

CEBU, Philippines — Dili na iapil sa Gilas Pilipinas line- up si Fil-American star  Ray Parks Jr. kay wala pa kini mikompirmar kon moduwa ba siya sa koponan sa FIBA Asia Cup qualifiers karong bulana.

Si Parks usa sa mga orihinal sa Gilas pool, apan wala pa kini makaapil bisan kausa sa team practice sa Gilas nga nakapaaghat ni  coach Mark Dickel pagtangtang kaniya.

Misaad si Parks nga moapil sa ensayo sa miaging semana, apan wala kini makatambong kay giatiman pa niya ang iyang contract extension uban sa TNT KaTropa. 

Nganlan na ni Dickel karong semanaha ang Final 15 nga maoy moduwa batok sa Indonesia karong Pebrero 23.