Manuel, Tratter, Chua gidugang sa gilas pool
CEBU, Philippines – Ang coach sa Gilas Pilipinas nga si Mark Dickel mikuha og tulo ka bigmen alang sa ilang misyon sa FIBA Asia Cup qualifiers karong Pebrero 20 didto sa Thailand.
Gikuha ni Dickel silang Alaska Aces star Vic Manuel, Fil-American Abu Tratter sa Blackwater Elite ug Justin Chua sa Phoenix Fuel Masters.
Ang tulo maoy motapak sa gibiyaan puwesto nilang Japeth Aguilar, Mac Belo ug Fil-German Christian Standhardinger sa Gilas nga nangatras sa tungod sa managlahing rason.
Si Dickel miingon nga masaligan ang tulo niyang gikuha ilabi na si Manuel nga gihulagway niya nga adunay taas kaayo'g kasinatian.
Si Manuel katapusang miduwa sa Gilas sa miaging 30th Southeast Asian Games diin usa siya sa mga leading scorer ug rebounder. Ang tulo madugang sa lista sa mga pilian nga bigmen alang sa Gilas nga naglakip nila ni JP Erram, Troy Rosario, veteran Marc Pingris ug rookie Isaac Go.
- Latest
