Capela gibuhian sa Rockets

CEBU, Philippines – Upat ka koponan ang nalambigit sa usa ka dakong trade kagahapon nga maoy sugod sa pipila pa lang ka mga trade  nga mahitabo samtang nagkaduol ang deadline.

Ang Houston Rockets, Atlanta Hawks, Minnesota Timberwolves ug Denver Nuggets maoy mga koponan nga nalambigit sa trade.

Nakapasurprisa sa maong trade mao ang pagbuhi sa Rockets sa ilang star center nga si Clint Capela uban ni Nene Hilario nga gipadala ngadto sa Hawks. Nakuha sa Rockets ang veteran shooter nga si Robert Covington ug Jordan Bell gikan sa Timberwolves, samtang sila si Malik Beasley, Juan Hernangomez, Evan Turner ug Jarred Vanderbilt napunta sa Timberwolves.

Gibuhian usab sa Rockets ang kanhi slam-dunk king nga si Gerald Green nga atua na sa  Nuggets. Laing nakuha sa Nuggets mao silang Noah Vonleh, Shabazz Napier ug Keita Bates-Diop.

Ang maong 4-man trade deal mao na ang labing dakong player deal sa kasaysayan sa liga   sukad  niadtong  2000.