Sandal, Park 'N Go may purohan motugpa sa no. 2 spot sa Power Forty
CEBU, Philippines – Anaa ra sa Sandal Brocker ug Park 'N Go Bakeshop ang makaangkon sa no. 2 spot sa elimination human midaog batoksa tagsa-tagsa nilang kaatbang sa Power Forty Basketball Tournament 50-Above Sinulog Cup.
Ang Sandal Brocker mipilde sa LJR Ventures sa iskor nga 61-52, samtang ang Park 'N Go milubong sa Bob 'N Chino,82-61 niadtong Martes diha sa Inayawan Sports Complex.
Ang Sandal ni Alex Sandal ug ang Park 'N Go ni Romy Rama nagsawo sa ikaduhang dapit sa standing sa managsamanilang 3-1 nga baraha.
Sa kasamtangan, ang reigning champion Water Market maoy nag-una sa standing uban ang 4-0 record.
Si Boy Alerta miposa og 20 puntos aron mangulo sa opensa sa Sandal Brocker.
Mipakita sab og maayong labok si Ian Capala nga mipugnit og 17 puntos ug ingon man si Wewe Cabrera nga mipupoog 12 puntos.
Ang LJR Ventures ni Engr. Edwin Rabaya gipangulohan sab ni Tony Ungria nga mitikdol og 16 puntos, gisundan niBenjie Tudtud sa iyang 11 puntos.
Sa laing bahin, si Eduard Buhay mipabuhagay og 28 puntos aron mangulo sa balanseng opensa sa Park 'N Go.
Miburak sab og 25 puntos si Eric Espinosa aron tabangan ang Park 'N Go nga maoy nikontrolar sa tibuok duwa.
Si Joseph Abasolo mipabuto og 22 puntos, samtang si Jun Abapo mikadlit og 20 puntos sa Bob 'N Chino nga nangiwit gihapon sa standing bitbit ang 1-4 nga baraha.
Miamot og 12 puntos si Jun Ocampo alang sa team nilang Bob Samson ug Chino Kalinga.
Kining liga nahimo sa paningkamot ni 'el presidente' Edwin Dejacto, inabagan sa tanang miyembro sa Power Forty ballclub.
Ang mga duwa gipadagan ni league commissioner Dome Ozon sa abag nilang Tedy Cabanada, Talyo Tamarra ug Paw Dejacto sa CEBRA.
PUNTOS MATAG USA
Unang duwa:
SANDAL (61) – Alerta 20, Capala 17, Cabrera 12, Nacional 6, Manturillas 4, Echavez 2.
LJR VENTURES (52) – Ungria 16, Tudtud 11, Cabaluna 8, Dayondon 7, Dejacto 5, Sabandeja 3, Rabaya 2.
Ikaduhang duwa:
PARK N' GO (82) – Buhay 28, Espinosa 25, Gaviola 10, Ebrado 9, Pestaño 6, Mosqueda 4, Dimitiman 2.
BOB 'N CHINO (61) – Abasolo 22, Abapo 20, Ocampo 12, Ocariza 3, Cabatas 2, Labalan 2.
- Latest
