Caguioa moduwa katapusang higayon sa PBA All-Filipino Cup
CEBU, Philippines — Mobalik pa sa 45th season sa PBA si kanhi MVP Mark Caguioa bisan pa og nagpangedaron na siya og 40-anyos.
Ang eight-time champion nga si Caguioa nahimo na lang bangko sa Barangay Ginebra Kings ug aduna na lang kini average singko minutos nga playing time.
Apan ang kanhi All-Star miingon nga aduna pa siya'y ikabuga sa katapusang season sa liga.
Si Caguioa nahimong ikaupat nga opsyon isip point guard sa Ginebra tungod sa presensiya sa mga mas bata nga sila si LA Tenorio, Stanley Pringle ug Scottie Thompson.
"I enjoy every minute of it. I may not be playing a lot of minutes. I enjoy being in the backseat, looking at how guys are developing. Like I said, it's really nice to see guys coming out of their shells," matud ni Caguioa sa PBA.com.
Si Caguioa maoy ikaduha sa labing edaran nga PBA player nga aktibo sunod sa 46-anyos nga si Asi Taulava sa NLEX Road Warriors.
Ang gitawag nga 'The Spark' miingon nga wala siya'y seguro kon makatiwas siya sa tibuok season sa PBA, apan paningkamuton niya nga makatabang sa Ginebra sa All-Filipino Cup nga sugdan sa Marso.
- Latest
