Inoue midawat sa hagit ni Casimero
CEBU, Philippines — Human gitaho nga gisugdan na og hikay ang ilang 'blockbuster showdown' ni Johnriel Casimero, si Japanese superstar Naoya Inoue mipadayag sa iyang dakong interes nga harungon ang Pinoy champion karong tuiga.
Gamit iyang social media account, ang IBF ug WBA bantamweight champion miingon nga gihangop niya ang ideya nga makigbangga ni Casimero ug nakita niya nga usa ka nindot nga sangka ang mahitabo tali kanila.
"I became interested in fighting Casimero," matud ni Inoue.
Si Inoue gusto usab nga madugangan iyang koleksyon sa mga bakus sa 118 lbs. division pinaagi paglabni sa IBF belt gikan sa mga kamot ni Casimero.
Nasayran, nga ang promoter ni Casimero nga si Sean Gibbons sa MP Promotions mibutyag na nga nakignegosasyon na sila sa kampo sa Japanese knockout artist.
Sama sa nahitabo nilang gira ni Nonito Donaire Jr. niadtong Nobiyembre diin siya midaog pinaagi sa unanimous decision, nakita ni Inoue nga usa usab ka lig-on nga kaatbang si Casimero.
Sa iyang bahin si Top Rank Inc. CEO Bob Arum mipasalig nga buhaton ang tanan aron mahinayon ang maong sangka ilabi na daghan mga fans ang interesadong motan-aw niini.
- Latest
