Carter moapil slam dunk contest
CEBU, Philippines – Posibleng moapil og balik si veteran Vince Carter sa Slam-Dunk Competition sa NBA All-Star Week sunod bulan.
Mismo ang teammate ni Carter sa Atlanta Hawks nga si Trae Young mibutyag sa iyang social media account sa plano sa 42-anyos nga player nga mosuway pagsakmit og balik sa maong titulo.
Si Carter maoy labing edarang active player karon sa NBA, apan pabiling nagpakita sa iyang abilidad ug kataas molayat.
Ang eight-time All-Star gibayaw nga Slam-Dunk King niadtong tuig 1999.
Si Carter bag-o lang mihimo og kasaysayan isip bugtong NBA player nga nakaduwa sud sa upat ka managlahing dekada.
Atangan ang pag-apil ni Carter sa maong kompetisyon ilabi na nga mipadayag usab og interes ang laing kanhi Slam-Dunk King ug Los Angeles Lakers center nga si Dwight Howard nga moapil.
Mosalmot usab ang nag-unang Rookie of the Year candidate nga si Ja Morant sa Memphis Grizzlies nga mikompirmar mopakita sa iyang abilidad sa hinansakay.
Ang All-Star Week gitakda sa Pebrero 15 didto sa Chicago.
- Latest
