Gera sa balamban
CEBU, Philippines — Misaad og gera ang duha ka veteran mixed martial artists nga sila si Joseph ‘The Wolf’ Mercado ug Edmund ‘Slasher’ Vergara kinsa magbangga sa main event sa Cebu Fighting Championship karong Disyembre 30 didto sa Buanoy Sports Complex sa Balamban, Cebu.
Si Mercado, ang pambato sa Yaw-Yan ArDigma Cebu, gusto nga mudaog aron mapadayon iyang dalan paingun sa gidamgo niya nga makaaway sa One Championship, ang labing dakong MMA organization sa Asya.
“Dream ko talaga na lumaban sa ONE. Ilang taon na rin ako sa sport na ito kaya gusto ko makatikim ng laban sa ONE at maging champion. Grabe ang training ko para sa laban namin ni Vergara dahil malaki respeto ko sa kanya,” matud pa ni Mercado.
Angay gyud nga gipangandaman ni Mercado si Vergara kinsa nangaraan na sa MMA ug desidido modaug. “Dugay nako sa MMA ug kickboxing. Salig rako sa ako preparasyon ug maningkamot ko mudaog,” matud niya.
Sa support bout, ang comebacking kickboxing prospect nga si Renan ‘Limbas’ Noblefranca sa Yaw-Yan makigsangka ni Jestoni ‘Silent Killer’ Borres sa JB Dream Fitness Gym sa usa ka kickboxing match.
Sa special attraction, ang pambato sa Mactan Combat Sports nga si Nino ‘Pitbull’ Saoy makigharung ni Mark ‘Noble Striker’ Balaba sa Iligan Gan Suo do.
- Latest
