Didal sud sa finals

CEBU, Philippines – Segurado na nga mapunta sa Pilipinas ang bulawang medalya sa women's skateboarding event sa 30th Southeast Asian Games.

Kini tungod kay pulos mga Pinay ang magtigi sa finals human ang Sugboanang skateboarder nga si Margielyn Didal midaog batok ni Nyimas Cinta sa Indonesia sa semifinal kagahapon didto sa Tagaytay.

Ang 20-anyos nga si Didal mipilde sab sa taga-Myanmar nga si Shin Thant Thaw sa preliminaries.

Banggaon ni Didal sa finals mao ra usab ang iyang teammate nga si Christiana Means nga mipilde sab ni Kyandra Susanto sa Indonesia.

Kon maka-gold, si Didal makatilaw sa labing una niyang SEA Games gold human usab niya gidominaran ang miaging Asian Games didto sa Indonesia.

Sa laing bahin, ang Pilipinas padayon  nangubkob og mga medalya kagahapon.

Ang lawn bowls team sa mikabkab og usa ka gold, tulo ka silvers ug duha ka bronzes.

Ang gymnast nga si Carlos Yulo mitampo og laing silver medal kagahapon atol sa men's vault finals.

Nag-una unta si Yulo sa iskor nga 14.700, apan  nakahimo og mas nindot pa nga performance ang   si Prayoko Agus sa Indonesia nga mimarka   og 14.734. 

Bisan pa niini, giisip gihapon sa mga coaches ni Yulo nga malampuson ang iyang kampanya.

Laing mitampo og gold medal kagahapon si Kevin Pascua pinaagi sa obstacle course racing. Makasaysayanon ang kadaogan tungod kay nakuha niya ang 29.92 nga oras nga maoy bag-ong world record sa maong event.