Pinoy Cyclist, duathlete midaog bulawang medalya
CEBU, Philippines — Ang seklista nga si John Derick Farr ug duathlete Monica Torres mipakusog sa kampanya sa Team Philippines human sila midaog og gold medal sa tagsa-tagsa nila ka mga event kagahapon sa 30th Southeast Asian Games.
Si Farr maoy gold medalist sa men's division sa downhill cycling event sa iyang oras nga 2:41, nagsunod niya ang laing Pinoy nga si Eleazar Balaba. Milandig sa ikatulo si Andy Prayoga sa Indonesia.
Ang kadaogan ni Farr kagahapon mikompleto sa sweep sa mga Pinoy sa mountain bike downhill. Unang midaog og gold ang seklistang si Lea Denise Belgira.
Sa iyang bahin, si Torres maoy labing paspas sa women's duathlon.
Bisan pa og naglain iyang tiyan, si Torres mirehistro og impresibong oras nga 2:08.44.
"Actually kaninang umaga, medyo may stomach upset ako, nasuka ako bago mag-start," matud pa ni Torres.
Si Joey Delos Reyes mitunol og silver medal sa Pilipinas pinaagi sa men's duathlon.
- Latest
