Cobras, Webmasters manulong sa Kibawe

CEBU, Philippines — Ang bag-o lang nakampiyon sa Cebu Schools Athletic Foundation, Inc. (CESAFI) nga Southwestern University (SWU)-Phinma Cobras ug ang University of Cebu (UC) Webmasters manulong didto sa Kibawe, Bukidnon  alang sa 1st Kibawe Mayor's Cup Open Basketball Tournament karong Disyembre 4-8.

"You all know that we were struck by an earthquake recently and this is our own way of lifting up the spirits of our people," matud pa ni Kibawe Mayor Reynaldo 'Jimboy Tebontu' S. Ang Rabanes. "I believe that providing them with highly entertaining basketball action featuring top caliber teams from Cebu and Manila will somehow ease them up as they cope with adversity."

Ang LGU Maramag-Cobras ni coach Mike Reyes ug ang LGU Damulog-Webmasters ni coach Yayoy Alcoseba makigtigi batok sa JT Gamolo Construction/Hotel de Susana-Sta. Lucia Realtors, Discover Dangcagan-Cagayan de Oro City ug XY Builders-Tagoloan Community College (TCC) Cagers.

"We're taking part in this tournament in Kiwabe because it's an added exposure for our players especially now that we are  already preparing for the PCCL (Philippine Collegiate Champions League) in February next year," dugang pa ni Reyes.

Ang lima ka entranteng koponan moduwa og single round robin. Ang top 2 teams maoy mag-ilog sa titulo ning lima ka adlaw nga torneyo ngha modalit og P275,000 nga ganting salapi sa mga mananaog.

Ang makampiyon mobulsa og P100,000, samtang ang mopahiluna sa ikaduha ngadto sa ikalimang dapit makadawat og P70,000, P50,000, P30,000 ug P25,000.