Ravena Ihulip ni Castro
CEBU, Philippines – Wala siya'y apil sa 15-man line-up nga unang ginganlan ni Gilas Pilipinas coach Tim Cone, apan hayag nga malakip si Kiefer Ravena sa national team nga moduwa sa Southeast Asian Games.
Tungod sa pagka-angol ni veteran Jayson Castro, ang Samahang Basketbol ng Pilipinas miduso ni Ravena sa NLEX Road Warriors nga mohulip ni Castro.
Si Cone bukas nga midawat sa pagduwa ni Ravena sa iyang koponan ug giimbitar niya kini nga moapil sa team practice sunod semana.
Si Cone nagkanayon nga dako og matampo si Ravena sa Gilas ilabi na sa kasinatian niini sa miaging FIBA World Cup didto sa China.
"We are gonna miss Jayson terribly, but Kiefer has some of that Jayson ability in him. We're going to lose the experience of Jayson but Kiefer got that rare maturity that kind of lends himself to able to play with a bunch of vets and still be a leader," matud ni Cone sa Sports5.
Ang Gilas mipakita sa ilang kaandam atol sa una nilang tune-up game niadtong Lunes sa gabii diin ilang gipilde ang Alab Pilipinas, 98-95 sa pagpangulo ni Cebuano star JuneMar Fajardo nga miiskor og 20 puntos.
- Latest
