Watanabe mipaduol sa Olympics

CEBU, Philippines — Nagkaduol na sa iyang damgo si Fil-Japanese   Kiyomi Watanabe  nga moduwa sa 2020 Tokyo Olympics.

Kini human si Watanabe, ang  giila nga labing maayong judoka sa Pilipinas  mipuwesto sa ika-23 nga dapit sa womens 63kg division. Kinahanglan na lang siya moduwa sa nahibiling qualifying tournament aron makaangkon siya og luna sa Olympics.

Ang Top 26 sa matag dibisyon maoy mahatagan og luna nga moduwa sa Olympics didto sa Tokyo, Japan.

Si Watanabe, kansang inahana usa ka Cebuana, misakmit og silver medal sa miaging Asian Games.