Igsuong koponan magtigi
CEBU, Philippines — Buhaton ang tanan sa Barangay Ginebra Kings aron modaog dili mapunta sa ikawalo nga dapit sa PBA Governors' Cup.
Ang Ginebra makigharong sa igsuon nilang San Miguel Beermen sa alas-6:45 didto sa Smart Araneta Coliseum.
Sa dili pa ang ilang duwa, magsangka una ang Rain or Shine Elasto Painters batok sa wala pa'y daog nga Alaska Aces sa alas-4:30 sa hapon.
Si Ginebra coach Tim Cone nagbangutan pa human sa sikit nila nga kapildihan sud sa overtime batok sa NLEX Road Warriors sa miaging semana didto sa Dubai.
Ang multi-titled coach miingon nga dili siya gusto nga malubong sila sa record nga 1-3 tungod kay mawala na ang ilang kahigayonan nga makuha pa ang top two seeds human sa elimination round.
Usa ka upset nga kadaogan ang giapas sa Ginebra ilabi na nga adunay 4-0 nga baraha ang San Miguel.
Gisaligan karon sa Beermen mao ang ilang import nga si Dez Wells nga mo-average og kapin 28 puntos matag duwa. Andam hinuon mobabag kaniya ang import sa Ginebra nga si Justin Brownlee.
Atngan usab ang subling panagbangga sa duha ka premyadong sentro sa liga nga sila si JuneMar Fajardo sa San Miguel ug Greg Slaughter sa Ginebra.
- Latest
