Travis nagpangagot sa Beermen
CEBU, Philippines — Gitug-an ni Magnolia Hotshots import Romeo Travis nga sa tanang PBA teams, ang San Miguel ang gidumtan niya ug naglungot-lungot na siya nga makaduwa ang Beermen karong Biyernes sa PBA Governors' Cup.
Si Travis, suod nga higala ni NBA superstar LeBron James, miingon nga nagsunod na siya sa mga nahitabo sa PBA karon nga season diin nidominar ang Beermen sa unang duha ka conferences.
Gusto ni Travis nga ipakita ang iyang tinuoray nga abilidad batok sa koponan nila ni import Dez Wells ug JuneMar Fajardo.
"It means something but it's not a really huge game, you know. So we gonna go out here, play hard and see what happens. If we win, great. If we don't, we gonna learn," matud pa ni Travis sa Spin.ph.
Isip kabahin sa defending champion, si Travis gusto nga masuwayan dayon ang San Miguel nga maoy giisip niya nga numero uno nilang karibal sa kampiyonato.
Ang San Miguel nangandam alang sa ilang grandslam title.
- Latest
