Nets dili moahat pagpaduwa ni Durant

CEBU, Philippines – Giklaro sa kadagkoan sa Brooklyn Nets nga dili nila hat-on pagpaduwa ni  sa ilang superstar nga si Kevin Durant sa sunod season sa NBA  bisan og  nakarekober na kini sa ACL injury.

Si Nets general manager Sean Marks miingon nga padayon ang rehabilitasyon ni Durant ug mipakita og paspas nga kalamboan iyang kahimtang, apan gidawat na nila nga dili kini makauban kanila sa tibuok 2019-2020 season nga buksan sunod bulan.

Ang pamahayag sa Nets kabahin sa migawas nga mga balita nga posibleng makaduwa si Durant sa hinapos nga bahin sa season o sa playoffs kon ugaling makasulod sila. Apan dili gusto nga morisgo ang kadagkoan sa koponan.

Kahinumduman, si Durant nakaangkon og seryosong injury sa tiil dihang  mipugos siya og duwa sa NBA finals    uban sa Golden State Warriors. 

Ang Nets mosandig una sa duha nila ka All-Stars nga sila si Kyrie Irving ug DeAndre Jordan samtang dili pa makaduwa si Durant.