Kyocera nakabawi, gipukan ang Shearwater sa E-Leagues
CEBU, Philippines — Si Matthew Grafilo mipabuto og 22 puntos, samtang si Winston Stephen Panal mikadlit og 18 alang sa Kyocera Frontiers nga nakabawi human makatilaw sa una nilang pilde, dihang ilang gipahimungtan ang Shearwater Health Crusaders, 64-37 sa EVO League sa Tanduay Athletics CSCC E-Leagues for Basketball Season 15 niadtong weekend didto sa City Sports Club-Cebu gym.
Si Ariel Ramonito Edera miamot og 13 puntos sa Frontiers nga nakig-uban na karon sa Tech Mahindra Tech Mighties sa ikaduhang dapit sa standings sa managsama nilang 5-1 baraha.
Salida na tanan sa Kocera human gisugdan ang duwa pinaagi sa 23-9 run.
Miburot pa ang labaw ngdto sa 20 puntos sa iskor nga 37-17 sa halftime.
Si Christian Irwin Hubag mitapos uban ang 10 puntos sa Shearwater nga nakatilaw sa ilang ikalimang pilde sa pito ka duwa.
Sa laing duwa sa EVO League, ang Executive Boutique/Select Voicecom Bulldogs mipilde sa CTC-BPO Trojans, 54-41 luyo sa mga paningkamot nilang Aristotle Alcos ug Yvesse Carlos Suan nga nagkumboya'g 31 puntos.
- Latest
