Ross, Jones grabeg dumot
CEBU, Philippines — Giangkon ni San Miguel Beermen star point-guard Chris Ross nga wala siya kauyon sa batasan nga gipakita sa import sa TNT KaTropa nga si Terrence Jones Jr.
Si Ross mihulagway ni Jones nga usa ka hugaw nga player ug miwakli siya sa pasangil nga kanunay siya nga mopeke og foul kung magkabangga sila sa 6-foot-8 American import.
"That's not a flop when you have two busted lips and you got headbutt in your head. There's no flop there," matud pa ni Ross sa Spin.ph.
Si Ross kapila naka-engkuwentro ni Jones sulod sa korte diin miresulta ang usa ka insidente sa pagpamulta sa PBA ngadto sa import human sa iyang ngil-ad nga foul ngadto sa SMB guard. Si Jones gipabayad og P20,000 sa PBA human sa iyang pag-headbutt ni Ross atol sa first quarter sa Game 3 sa ilang best-of-seven finals series niadtong Biyernes.
Misumbalik hinuon og pasangil ang kampo sa TNT nga mihulagway ni Ross nga kusug moarte aron makakuha og tawag gikan sa mga referee. Mipasalig hinuon ang PBA nga bantayan ang mga tawag ilabi na diin nalambigit si Ross aron maklaro kung lehitimo ba kini.
- Latest
