Lillard, DeRozan miatras sab sa Team USA
CEBU, Philippines – Sila si Damian Lillard sa Portland Trail Blazers ug DeMar DeRozan sa San Antonio Spurs maoy labing uwahing mga players nga miatras gikan sa Team USA alang sa gikahinaman nga FIBA World Cup didto sa China sunod bulan.
Sila maoy ikapito ug ikawalong magduduwa nga mibalibad modala sa bandila sa Amerika sa maong prestihiyosong torneyo nga mahitabo kausa lamang sud sa upat ka tuig.
Una nang mipahibalo nga dili sila moduwa sa US team sa World Basketball Championships nga sugdan karong Agosto 5 mao sila si Ben Simmons sa Philadelphia 76ers, Anthony Davis sa Los Angeles Lakers ug James Harden sa Houston Rockets.
Wala sab misangon sa maong responsibilidad sila si Tobias Harris sa 76ers ug Bradley Beal sa Washington Wizards.
Duna hinuo'y gisaytan ang Team USA ubos ni coach Greg Popovich nga ihulip sa ilang dapit. Kini mao sila si Marcus Smart ug Jaylen Brown sa Boston Celtics, D'Angelo Russell sa Golden State Warriors ug Julius Randle sa New York Knicks.
- Latest
