Thurman posibleng nabalia'g gusok
CEBU, Philippines – Dako ang pagtuo sa kampo ni WBA welterweight champion Manny Pacquiao nga nakahiagum og seryosong injury sa gusok si Keith Thurman atol sa sangka niini niadtong Domingo didto sa MGM Arena sa Las Vegas.
Ang head trainer sa Team Pacquiao nga si Buboy Fernandez miingon nga midayeg sila sa gipakitang kaisog ug kalig-on ni Thurman nga mitiwas sa sangka batok sa 'Pambansang Kamao', apan dako ilang pagduda nga nagpamati pa kini karon sa iyang gusok nga posibleng nabuak sa round 10 human maigo sa kusog nga hook ni Pacquiao.
"I think Thurman could've suffered a fractured rib," matud ni Fernandez sa The Philippine STAR, ang igsuong mantalaan sa Banat News. "If not a fractured rib, something serious. He'll feel that for the next few days."
Gidasonan kini ni conditioning coach Justin Fortune, kinsa miingon nga krusyal ang maong panghitabo sa round 10 tungod kay mao kini nakapaatras ni Thurman nga atol sa rounds eight ug nine misuway pagbawi pinaagi sa pagpresyur ni Pacquiao.
"That could've been a 10-8 round for Manny because after Thurman got hit, he just ran away," matud pa ni Fortune.
- Latest
