Thurman mopahimus sa iyang bentaha
CEBU, Philippines – Mipadayag si Keith Thurman nga iyang pahimuslan ang tanan niyang bentaha batok ni Manny Pacquiao sa giatngan nilang WBA unified welterweight title fight karong Domingo didto sa MGM Grand sa Las Vegas, Nevada.
Mas taas og duha ka pulgada ang kasway ug ingon man ang gitas-on ni Thurman kon itandi ni Pacquiao,
Tungod niini, si Thurman masaligon nga makaigo siya ug iyang mapasakitan si Pacquiao sa gikatakda nilang 12 ka hugna nga binukbukay ibabaw sa ring.
"The advantage for me is he Pacquiao does have short arms," matud pa ni Thurman segun sa taho sa Philstar.com.
Sa lain na sab niyang birada ngadtong Pacquiao, gibugalbugalan ni Thurman ang mga bukton sa Pinoy ring star sa paghulagway niini nga daw susama sa usa ka dinosaur nga Tyrannosaurus rex.
Alang ni Thurman, dali ra unya siyang makabawos og ataki sa higayon nga molusad og opensiba si Pacquiao gumikan sa mubo niining mga bukton.
"So if he wants to hit me, he has to be in the zone where I can hit him," dugang pa ni Thurman.
Miangkon hinuon si Thurman nga angayan gyud siyang magmatngon gumikan sa kapaspas ug kaabtik molabay og kumo ni Pacquiao gawas sa maayo niining footwork.
"He has utilized a tactic throughout his career that's also very fast. And that is his in-and-out movement, his speed," dason pa ni Thurman. "Not only does Manny Pacquiao have fast hand work, he also has fast foot work."
- Latest
