Kumbati sa liloan karong gabii
CEBU, Philippines – Kulbahinam nga aksiyon ang masaksihan gumikan kay sila si undefeated Omega Boxing Gym fighter Ronnie Mark Vicelles (10-5, 5KOs) ug veteran Jesse 'Little Giant' Epinas (19-3, 11KOs) sa SGG Sports Promotion mag-ilog na sa bakanteng WBA Asia South flyweight championship belt karong gabii sa 'Kumbati 3 sa Liloan' didto sa Frasco Memorial Gym.
Ang 23-anyos nga si Vicelles naglaraw og usa ka impresibong daog tungod kay gusto niya nga mosulod sa top 15 sa WBA rankings. "Lig-on ni ako kontra kay beterano pero ako gyud ipakita nga contender ko," matud pa ni Vicelles nga mitimbang og 107 lbs., bug-at og duha ka libras ni Espinas.
Sa iyang bahin, si Espinas seryoso nga mobaraw sa plano ni Vicelles. "Dako ni nga chance nako. Nag-training ko og maayo para ani. Di gyud ni basta-basta nga away niya," matud pa sa taga-Oroquieta, Misamis Occidental.
Sa supporting bouts, ang knockout artist nga si Tomjone 'Wardog' Mangubat (10-1, 9KOs) sa Omega Gym moharong ni Joffrey Garcia (6-10, 5KOs), samtang si Manuel Formentera (10-3, 6KOs) makigsangka ni Andre Laurio (10-2, 7KOs).
- Latest
