LLBA semis banatan karon

CEBU, Philippines – Banatan na karong gabii ang semifinals sa Lapu-Lapu Basketball Association (LLBA) Basketball Tournament didto sa Villas Magallanes Gym sa Barangay Agus, Dakbayan sa Lapu-Lapu.

Gikan sa unom ka koponan, upat na lang ang nahibilin nga magtigi alang sa luna sa finals.

Ang Team Birhen sa Regla nila ni JBS Pogoy nakabaton og twice-to-beat advantage human sila maghari sa elimination.

Sukdon ang ilang abilidad batok sa Dortings Gladiators nga gibidahan nila ni Ralph Uy ug Mike Despues.

Sa laing semifinal match, ang second seed Mojotis    ni     team    owner Pablo Cortes   makigbangga sa Junax Igot Trucking nila ni Jimboy ug Junax Igot.

Ang LLBA namugna sa pagtinabangay nila Dr. Mike Ouano, Junax ug Jimboy Igot, Roy Cortes, Don Pastorfide, Artis Pinote ug Harry Don Radaza.