East mas sayon kay wala si LeBron
CEBU, Philippines — Miangkon si Milwaukee Bucks superstar Giannis Antetokounmpo, ang giisip karon nga labing dominante nga player sa East nga mas sayon ang dalan paingon sa Eastern Conference title tungod kay wala na si LeBron James.
Ang Bucks makigsangka sa Game-2 sa East finals batok sa Toronto Raptors karong adlawa diin laraw nila nga moposte og 2-0 nga bentaha sa ilang 'best-of-seven' series.
Si James dugay nga naghari sa East uban sa Cleveland Cavaliers ug Miami Heat, apan nakahigayon pagsulbong ang ubang East teams dihang nibalhin kini sa West uban sa Los Angeles Lakers.
"I just know that he's (James) a top player that we always had problems against him and the Cavs. Now he's not playing for the Cavs, so it's going to be a little bit easier. I didn't see it as an opening. But when you look back and see how everything went, it's definitely an opening not having LeBron in the East," matud pa ni Antetokounmpo sa Associated Press.
Sa ilang bahin, ang Raptors determinado nga mobawos karon didto sa balwarte sa Bucks aron makuha ang homecourt advantage sa serye.
- Latest
