Romeo nidaog sa labing una niyang PBA title

CEBU, Philippines – Sangko sa langit ang kalipay ni star point guard  Terrence Romeo human siya makatilaw sa labing una niyang PBA title uban sa San Miguel Beermen.

Si Romeo mapasalamaton tungod kay human mga kontrobersiya nga niyang naagian uban   NorthPort Batang Pier ug TNT KaTropa, nakakaplag na gyud siya og koponan diin niya matilawi dugay na kaayong gipangandoy nga kampiyonato.

"I'm overwhelmed with joy. I can't express how I feel now," matud pa ni Romeo nga migakos sa PBA trophy human sa ilang 72-71 nga kadaogan batok sa Magnolia Hotshots sa Game-7 niadtong Miyerkules.

Miingon hinuon si Romeo nga mas gusto pa niya nga madugangan iyang  championship ring ug dili kini imposible uban sa San Miguel.