MILO may bagong partner

MANILA, Philippines — Nakipag-partner ang bumabanderang beverage brand na MILO sa cashback loyalty program provider na BeepXtra Philippines, Inc. (“bXTRA”) para maging Official Cashback Partner ng 2019 National MILO Marathon.

Dahil dito ay makakakuha ang mga partisipante ng National MILO Marathon ng loyalty perks at benefits via bXTRA sa buong marathon season.

“We at MILO are dedicated to deliver the best race experience for all runners, and our partnership with bXTRA presents a new and innovative feature that our participants can look forward to,” sabi ni MILO Sports Manager Lester P. Castillo.

Ang lahat ng kasali sa 10-kilometer pataas ay makakatanggap ng limited edition bXTRA-MILO Marathon Cashback Card.

Ang mga qualified runners ay makakakuha ng Cashbacks mula sa mga bXTRApartner outlets sa buong bansa mula sa mga restaurants, hotels, retail stores, clothing, fitness centers hanggang sa mga professional services at iba pa.

 Maliban sa mga incentives, magbibigay din ang bXTRA ng bahagi ng kanilang kikitain sa MILO Help Give Shoes advocacy.