Fury nag-wild na SAB
CEBU, Philippines – Walay hunong ang pagmangtas ni Fury 'Triggerman' Trazona ug gipangulohan na sab niya ang koponan niyang E&J Surplus pagkadlit sa ikalimang sunod-sunod nga daog sa CLBA Season 2 basketball tournament.
Si Trazona mibagnos og 20 puntos sa E&F Surplus nga mipilde sa Villa Reyna, 89-84 niadtong Martes aron magpabiling lider sa liga uban ang 5-0 record.
Gawas ni Trazona, mihimo sab og double figures performance sila si Kenn Nuñez, Edu Pepito ug Tata Betinol.
Nangu sa Villa Reyna ni Arnold Tariman mao si Bedico nga miugkat og 24 puntos, sila si Chris John Basiga ug Huelet Aller nag-amotay og 12 puntos.
Sa laing duwa, ang Kalubi-an padayong mi-okupar sa ikaduhang dapit sa standing human midaog batok sa Princess Shaira, 66-58.
Si Almer Icot mipupo og 20 puntos, samtang laing duha niya ka teammates ang miiskor sab og double figures Kalubi-an nga aduna na'y 4-0 nga baraha.
Ang napildeng Princess Shaira gipangulohan sab ni Sanchez nga mikutlo sab og 20 puntos, gisundan sa team manager niining si Rommel Bucatan nga adunay 18 puntos.
Midaog sab ang PhilCement ni Bobong Tiongson sa Nazarene ni Jed Balaod, 88-78.
Ang mga duwa gipadagan ni league commissioner Fury Trazona sa abag nilang Chang Tejero, Harris Perez ug Eric Montebon.
PUNTOS MATAG USA
Unang duwa:
E&F Surplus (89) – Trazona 20, Nuñez 16, E. Pepito 12, Betinol 11, A. Sabang 9, C. Sabang 6, Ponce 4, Ursal 3.
VILLA Reyna (84) – Bedico 24, Basiga 12, Aller 12, Delos Cientos 8, M. Doblas 8, Atienza 7, Doblas 6, Rodriguez 3, De Dios 3.
Ikaduhang duwa:
PHILCEMENT (88) – Retiza 22, L. Pepito 17 Dejarme 15, Baring 7, Mananquil 6, Alipan 5, Tiongson 5, Gaite 4, Gestopa 4, Yballe 2.
NAZARENE (78) – Manatad 18, Ramirez 10, Precillas 10, Tubio 7, Dublin 7, Paduhilao 7, Capoy 5, Abs 5, Encluna 3, Misoles 2, Cabatingan 2.
Ikatulong duwa:
KALUBI-AN (66) – Icot 20, Loon 13, Mangapis 10, Barriga 7, Pepito 6, Cabahug 2, Pepito 2.
PRINCESS Shaira (58) – Sanchez 20, Bucatan 18, Gamao 8, Jayag 6, Alimpos 4, Toring 2.
- Latest
