Zamboanga, Davao puro na sa Finals

DAVAO CITY, Philippines — Inilapit ng mga Mindanao teams na Zamboanga at Davao Occidental ang kanilang sarili sa championship round ng MPBL Datu Cup.

Tinalo ng Zamboanga ang inaugural champion na Batangas City, 72-58, at giniba ng Davao Occidental ang Bacoor, 79-71, sa Game One ng kani-kanilang mga best-of-three semifinals series kamakalawa ng gabi dito sa Rizal Memorial College.

Tumipa sina Reed Jun­tilla at Robin Roño ng tig-19 points para sa panalo ng Zamboa­nga.

Maaari nang umaban­te ang Zamboanga sa championship round ng South Division kung mu­ling tata­lunin ang Athletics sa Game Two bukas sa Batangas Cty.

Puwede na ring walisin ng Davao Occidental ang Bacoor sa kanilang semis wars sa pamamagitan ng pa­nalo sa Game Two.