Magic hiniya ang Warriors
ORLANDO -- Nagsalpak si Aaron Gordon ng 22 puntos at 15 rebounds upang iangat ang Magic sa sosyohan sa top spot sa Southeastern Division matapos padapain ang bisitang Golden State Warriors, 103-96.
Tumulong din ng 16 puntos off the bench si Terrence Ross at 12 puntos na may kasamang 13 rebounds mula kay Nikola Vucevic.
Ang Orlando ay nanalo ng pito sa huli nilang siyam na laro para tumabla sa Charlotte Hornets sa Division top spot.
Pinangunahan ni Stephen Curry ang Warriors sa kanyang 33 points, walong rebounds at anim na assists habang nag-ambag naman ng tig-21 puntos sina DeMarcus Cousins at Klay Thompson.
Nabigo ang Warriors sa ikalawang sunod sa unang pagkakataon simula noong Disyembre at natalo rin sila ng apat sa huli nilang anim na laro.
Sa New York, kumonekta si Jordan Clarkson ng go-ahead free throws sa huling 89 segundo para ihatid ang bisitang Cleveland Cavaliers sa 125-118 panalo laban sa Knicks.
Winalis ng Cleveland ang New York sa kanilang 10th straight na panalo laban sa Knicks.
Sa Houston, humataw si James Harden ng 58 puntos, 10 assists at pitong rebounds para ibangon ang Rockets mula sa 21-puntos na pagkakalubog sa third quarter at takasan ang Miami Heat, 121-118.
- Latest
