Pringle gipamulta, suspenso pa gyud

CEBU, Philippines – Bug-at ang silot nga gipahamtang sa mga opisyal  sa  PBA ngadto ni Fil-American point guard  Stanley Pringle human sa iyang kalambigitan sa rambol tali sa NorthPort Batang Pier ug Columbian Dyip.

Si Pringle gitumbok nga maoy pabilo sa kagubot human iyang gisukmag  si Jay-R Reyes sa Columbian sa usa ka play. Gipamulta siya og P75,000 nga mao na'y labing dakong penalty nga gipahamtang ni PBA Commissioner Willie Marcial karon nga season. Suspendido sab siya og usa ka duwa.

Dili opisyal ang maong duwa  kay usa ra kini ka practice game, apan maisip gihapon nga adunay tulubagon ang players kay gidala nila ang pangan sa liga.