Wellness Run sa ipigitakda

CEBU, Philippines – Isip kabahin sa ilang pagsaulog sa ika-60 nilang anibersaryo, ang International Pharmaceuticals Incorporated (IPI) mopasiugda sa labing una nilang running event nga giulohan og  "IPI Welness Run 2019" sa Mayo 5 sa wala pa matinong  binyu.

Ang lumba gilangkuban sa 500m, 3K, 6K, 12K ug 21K categories.

"This run is very special to us because we are also celebrating our 60th year anniversary as a company. We know for the fact that IPI started in Cebu and it is just right that we celebrate it with the Cebuano people," matud pa ni IPI Vice President for Brand Management Division John Rey Villorente.

Ang sikat nga celebrity ug triathlete nga si Paul Jake Castillo nagkanayon nga atngan ang usa ka dako ug engrandeng lumba nga giandam sa ilang kompaniya agi usab og pasalamat sa suporta nga nakuha sa IPI gikan sa mga Sugboanon.

Moabot ngadto sa P1 million ang ganting salapi nga gitagana alang sa mga mananaog.

Gibana-banang moabot ngadto sa 6 mil ka runners ang mosalmot sa maong kalihukan.

Ang registration sugdan karong Marso 1 didto sa Runnr sa Ayala Center Cebu, Toby's Sports sa SM City Cebu ug Cebu City Sports Commission office.