James Yap mipirma katapusang kontrata
CEBU, Philippines — Gibutyag ni kanhi two-time PBA MVP James Yap nga hapit na siya moretiro ug ang katapusang kontrata niya sa Rain or Shine Elasto Painters mao na lang ang iyang tiwason.
Si Yap nakigkita ni Rain or Shine team owner Raymund Yu niadtong Miyerkules diin mipirma siya og tulo ka tuig nga kontrata.
"First of all I would like to thank the Lord and my Rain or Shine Family, Boss Raymond Yu, Boss Terry Que, Atty. Mondragon, Mr. Edison Oribiana, Coach Caloy, Teammates, my family, friends and to all my fans," matud ni Yap sa iyang social media account.
Ang 36-anyos nga si Yap nahimong usa sa mga sinaligang scorer sa Painters human siya napunta sa maong koponan niadtong tuig 2016 dihang gi-trade siya sa Magnolia Hotshots bugti ni Paul Lee.
Ang 14-year veteran adunay career average nga 15.9 points, 4.1 rebounds ug 1.5 assists.
- Latest
